მთავრობა ფიზიკური პირის ქონების გადასახადის გადახედვას გეგმავს. საპარლამენტო უმრავლესობაში უკვე ალაპარაკდნენ იმაზე, რომ აღნიშნული გადასახადის ზღვარი გაიზრდება. დღეს მოქმედი კანონის თანახმად, თუ ფიზიკურ პირს ავტომობილი, სახლი ან სხვა უძრავი ქონება აქვს და ამასთანავე, ოჯახის წინა წლის წლიური შემოსავალი ჯამურად, 40 000 ლარს აღემატება, პირი ვალდებულია ქონების გადასახადი გადაიხადოს. აღსანიშნავია, რომ ფიზიკური პირის ქონების გადასახადის რეფორმირებაზე სპარლამენტო ოპოზიციის წარმომადგენლები რამდენიმე წელია სუბრობენ, თუმცა, მათი ინიციატივები ამ საკითხზე ქართული ოცნების დეპუტატებმა რადენჯერმე ჩააგდეს. ახლა, ქართული ოცნების დეპუტატები ცვლილებების საჭიროებას ეკონომიკური ზრდითა და მოქალაქეთა შემოსავლების მატებით ხსნიან. როგორია სპეციალისტების შეფასება და ცვლილებების რა მოდელზე მუშაობს მთავრობა?


#ახალიამბები #BusinessMediaGeorgia