პოპ-კულტურას დიდი ძალა აქვს, თუმცა Paramount-ის ჰიტ სერიალ „Yellowstone“-ის შემთხვევაში, უძრავი ქონების სექტორში სრულიად ახალი ტერმინი — „Yellowstone Effect“ გაჩნდა. ეკრანებზე მისმა გამოჩენამ, განსაკუთრებით კალიფორნიასა და ნიუ-იორკში, სოფლის ცხოვრებისა და რანჩოებისადმი მასობრივი ბუმი გამოიწვია. შედეგად, აშშ-ში ამ ტიპის მიწის ნაკვეთებზე ფასები საშუალოდ 110%-ზე მეტით გაიზარდა -ანუ ფაქტობრივად გაორმაგდა.
ასე მაგალითად: Big Sky: საცხოვრებელი ქონების მედიანური ფასი $2.42 მილიონამდე გაიზარდა, ხოლო აპარტამენტების სეგმენტში საშუალო ფასმა $1.65 მილიონს მიაღწია.
Yellowstone Club: ექსკლუზიურ კერძო საზოგადოებაში რეზიდენციების ღირებულება $10 მილიონსაც კი აჭარბებს.
Yellowstone County & West Yellowstone: სახლების მედიანურმა ფასებმა $408,000-ს, ხოლო ეროვნული პარკის შესასვლელთან $660,000-ს გადააჭარბა.
უძრავი ქონების გარდა, სერიალმა უზარმაზარი დემოგრაფიული ძვრებიც გამოიწვია -მონტანაში 50,000-ზე მეტი ახალი მცხოვრები გადავიდა. ტურიზმისა და გადაღებების წყალობით ადგილობრივ ეკონომიკაში ასობით მილიონი დოლარი შევიდა და 10,000-ზე მეტი სამუშაო ადგილი შეიქმნა. სხვათა შორის, ამ ეფექტმა გლობალურ მოდაზეც იმოქმედა - კოვბოის ქუდებსა და ჩექმებზე მოთხოვნა მთელ მსოფლიოში გაიზარდა!
აი, ასე შეიძლება ერთმა კარგად გადაღებულმა ისტორიამ არათუ ბაზარი შეცვალოს, არამედ კოვბოური სტილიც კი დააბრუნოს ტრენდებში! მოკლედ, თუ მონტანაში რანჩოს ყიდვას გეგმავდით, მგონი ცოტა დაგვიანებულია.

#ახალიამბები #BusinessMediaGeorgia