საქართველოს ბანკმა საერთაშორისო გამოცემა Global Finance-ის 2026 წლის მსოფლიოში საუკეთესო ციფრული ბანკებისა და ფინანსებში ხელოვნური ინტელექტის დანერგვისთვის საუკეთესო ორგანიზაციების დაჯილდოებაზე (World’s Best Digital Banks and AI in Finance Awards) მნიშვნელოვანი ჯილდოები მოიპოვა. ბანკი დასახელდა მსოფლიოში საუკეთესო AI ბანკად და მსოფლიოში საუკეთესო ციფრულ ბანკად ფიზიკური პირებისთვის.

ბანკმა ასევე მიიღო მსოფლიოში საუკეთესო AI გადაწყვეტის ჯილდოები შემდეგ კატეგორიებში: საუკეთესო ფინტექ AI (სამომხმარებლო მიმართულებით); საუკეთესო AI ბანკი გადახდებში (კორპორატიული მიმართულებით) და საუკეთესო აპლიკაცია ფინანსური ინკლუზიურობისთვის (სამომხმარებლო მიმართულებით).

Global Finance-ის 27-ე ყოველწლიური World’s Best Digital Bank Awards პროგრამის ფარგლებში კი საქართველოს ბანკი, გლობალური და რეგიონული გამარჯვებულის ტიტულთან ერთად, დაჯილდოვდა საუკეთესო ონლაინ პროდუქტების შეთავაზების და დაკრედიტების მიმართულებითაც. ჯამში ბანკმა Global Finance-ის დაჯილდოებების მეორე რაუნდში 11 გლობალური და რეგიონული ჯილდო მიიღო.

#ახალიამბები #BusinessMediaGeorgia