დღეიდან, 60 წელს გადაცილებულებისთვის 500 ლარზე მეტი რისკიანი საბარათე ოპერაციები იზღუდება. ეროვნული ბანკის განმარტებით, ახალი მოთხოვნები მიზნად ისახავს მოწყვლადი სეგმენტის, მათ შორის 60 წელს გადაცილებული მომხმარებლების, თაღლითური სქემებისგან დაცვის გაძლიერებას. რეგულაციის პირველი ეტაპი მხოლოდ საბარათე ოპერაციებზე გავრცელდება. ახალი წესის მიხედვით, საგადახდო მომსახურების პროვაიდერები ვალდებული იქნებიან, 60 წელს გადაცილებული მომხმარებლების მიერ ინიციირებული გარკვეული რისკიანი ელექტრონული გადახდის ოპერაციები დროებით შეაჩერონ ან, თუ ეს შეუძლებელია, მათ შესრულებაზე უარი თქვან. რისკიან ოპერაციად ჩაითვლება შემთხვევა, როდესაც გადახდის თანხა 500 ლარს აღემატება და ოპერაცია დაკავშირებულია თაღლითობის მაღალი რისკის მქონე საქმიანობასთან, ოპერაცია უკავშირდება ონლაინ სავაჭრო, მათ შორის „ფორექსის“, საინვესტიციო, სათამაშო ან ვირტუალურ აქტივებთან დაკავშირებულ საქმიანობას, გამოვლენილია მომხმარებლისთვის უჩვეულო ხარჯვის ან ქცევის თავისებურება. რისკიანი ოპერაციის დაფიქსირების შემთხვევაში, საგადახდო მომსახურების პროვაიდერი ვალდებული იქნება მომხმარებელს დაუკავშირდეს და მიაწოდოს შესაბამისი ინფორმაცია, რათა მას ოპერაციასთან დაკავშირებული რისკების უკეთ გაანალიზების შესაძლებლობა ჰქონდეს. რამდენად უზრუნველყოს ახალი რეგულაცია 60 წელს გადაცილებული მომხმარებლების შესაძლო ფინანსური თაღლითობისგან დაცვას და როგორ უნდა ამოვიცნოთ ე.წ. ფინანსური პირამიდა?

სტუმარი: დავით კიკვიძე - "საქართველოს ფინტექ ასოციაციის" თავმჯდომარე

#ახალიამბები #BusinessMediaGeorgia