გამარტივებული ლიცენზიის პირობები უცხოური სანდო ბანკებისთვის - კანონის მიზნები და შეფასებები

გამარტივებული ლიცენზიის პირობები უცხოური სანდო ბანკებისთვის - პარლამენტის მიერ „კომერციული ბანკების საქმიანობის შესახებ“ კანონში პირველი მოსმენით მიღებული ცვლილებები განხილვის და დისკუსიის საგანი პარლამენტის დღევანდელ პლენარულ სესიაზეც იყო. ცვლილებების თანახმად, საქართველოში უცხოური ბანკის ფილიალის ან შვილობილი კომპანიის დაფუძნება და საბანკო ლიცენზიის მიღება გამარტივებული წესით იქნება შესაძლებელი, თუ ბანკი სანდო ქვეყნის ტერიტორიაზე საქმიანობს და საერთაშორისო სარეიტინგო ორგანიზაციის მიერ მინიჭებული აქვს ეროვნული ბანკისთვის მისაღები ან უფრო მაღალი საკრედიტო რეიტინგი. ფინანსისტების ნაწილი კანონში დაგეგმილ ცვლილებებს სკეპტიკურად უყურებს. რეალურად, რა შედეგები შეიძლება მოიტანოს „კომერციული ბანკების საქმიანობის შესახებ“ კანონში ცვლილებებმა და რამდენად მოსალოდნელია, საქართველოში ახალი უცხოური ბანკების შემოსვლა.