როგორია მოლოდინები მიმდინარე წლის რთველთან დაკავშირებით - აგვისტოს მიწურულს გურჯაანში რთველის საკოორდინაციო შტაბი გაიხსნა. გარემოს დაცვისა და სოფლის მეურნეობის სამინისტროს ინფორმაციით, შტაბი 24-საათიან რეჟიმში იმუშავებს და რთველის პერიოდში პროცესის კოორდინაციას, მევენახეებისა და ღვინის მწარმოებლებისთვის შესაბამისი ინფორმაციის მიწოდებას და რთველთან დაკავშირებული საკითხების ოპერატიულად გადაწყვეტას უზრუნველყოფს. აღსანიშნავია, რომ ჭარბი მოსავლის შემთხვევაში, ყურძენს შპს „მოსავლის მართვის კომპანია” დადგენილი ფასებით ჩაიბარებს. კერძოდ, კონდიციური და დაუზიანებელი საფერავის, რომლის შაქრიანობა არანაკლებ 21%-ია, ფასი 1,50 ლარით განისაზღვრება, ხოლო არაკონდიციური საფერავის შემთხვევაში, რომლის შაქრიანობა 17%-დან 21%-მდეა ან/და ყურძენი ნაწილობრივ დაზიანებულია, ფასი 0,90 ლარი იქნება. 17%-ზე ნაკლები შაქრიანობის ან/და დაზიანებული საფერავის ფასი 0,30 ლარით განისაზღვრება. აღსანიშნავია, რომ "მოსავლის მართვის კომპანია" მიმდინარე წლის რთველისთვის 54 რეზერვუარს ყიდულობს. შესაბამისი ტენდერი 27 აგვისტოს გამოცხადდა და შესყიდვის სავარაუდო ღირებულება 8 მლნ 68 ათასი ლარია. როგორია მოლოდინები მიმდინარე წლის რთველთან დაკავშირებით და რამდენად კარგად არიან მევენახეები რთველის ახალ წესებთან დაკავშირებით ინფორმირებულები?

სტუმარი: ზუკა მაისაშვილი - “ღვინუკას” დამფუძნებელი

#ახალიამბები #BusinessMediaGeorgia