2026 წლის II კვარტალში განხორციელებული ვიზიტებისას გაწეული ხარჯები 3 მილიარდ ლარს გაუტოლდა, რაც 13%-ით ნაკლებია წინა წლის ანალოგიური პერიოდის მაჩვენებელზე. საქსტატის მონაცემებით, ვიზიტზე საშუალო ხარჯი 2025 წლის შესაბამის პერიოდთან შედარებით 9%-ით შემცირდა და 1922 ლარი შეადგინა. II კვარტალში საქართველოს ტერიტორიაზე დაფიქსირდა საერთაშორისო მოგზაურების 1.7 მილიონი შემოსვლა, რაც 5%-ით ნაკლებია წინა წლის ანალოგიური პერიოდის მაჩვენებელზე. აქედან საერთაშორისო ვიზიტორების მიერ განხორციელებული ვიზიტების რაოდენობამ 1.5 მილიონი შეადგინა, რაც წლიურად 4.5%-იანი კლებაა. საანგარიშო პერიოდში, საერთაშორისო ვიზიტორების მიერ განხორციელდა 1.2 მილიონი ტურისტული ტიპის ვიზიტი, რაც 2.7%-ით ნაკლებია წინა წლის ანალოგიური პერიოდის მაჩვენებელზე. II კვარტალში ვიზიტორების ყველაზე დიდი რაოდენობა - 380 ათასი დაფიქსირდა რუსეთიდან, 287 ათასი თურქეთიდან, სომხეთიდან კი ქვეყანაში 199 ათასი ვიზიტორი შემოვიდა. საქსტატის ინფორმაციით, უცხოელი ვიზიტორების ხარჯებში ყველაზე დიდი წილი 27% საკვებსა და სასმელზე მოდის, მეორე ადგილზეა საყიდლები, ხოლო მესამეზე განთავსება.

სტუმარი: ლევან დადვანი - "სასტუმრო ლაჰილი"-ს მფლობელი


#ახალიამბები #BusinessMediaGeorgia