ღვინის ექსპორტი მცირდება. საქსტატის მონაცემებით, წლის პირველ ნახევარში საქართველოდან ექსპორტზე 117.1 მილიონი დოლარის ღირებულების ღვინო გავიდა, რაც წლიურად 3.7%-ით შემცირებული მაჩვენებელია. ქართული ღვინისთვის გასაღების ძირითადი ბაზარი კვლავ რუსეთია, თუმცა გაყიდვები ამ ბაზარზეც 3.9%-ითაა შემცირებული. ღვინის გაყიდვების კლება ფიქსირდება ევროპის რიგ ქვეყანაშიც. დარგის წარმომადგენლები ექსპორტის კლებას როგორც რუსეთი ბაზარზე არსებულ ეკონომიკურ გამოწვევებს, ასევე გლობალურად ღვინის მოხმარების შემცირებას უკავშირებენ. არსებული ვითარების გათვალისწინებით, ღვინის მწარმოებელი კომპანიების ნაწილში აცხადებენ, რომ სახელმწიფომ სხვადასხვა ბაზრებზე კიდევ უფრო მეტად უნდა გააძლიეროს მარკეტინგული აქტივობები.


#ახალიამბები #BusinessMediaGeorgia