საცალო სამედიცინო სადაზღვევო პაკეტებზე მოთხოვნა იზრდება - 2026 წლის პირველ სამ თვეში სამედიცინო სადაზღვევო ბაზრის მიერ მოზიდული პრემია 303 მლნ ლარს აღემატება, სამედიცინო დაზღვევის ბაზრის წილი კი ამავე პერიოდში, სადაზღვევო სექტორში 58%-ს შეადგენს. წლის პირველ სამ თვეში სამედიცინო დაზღვევის საცალო ბაზარზე 38 ათასზე მეტი პოლისი გაფორმდა. საქართველოს სადაზღვევო ასოციაციაში აცხადებენ, რომ ინდივიდუალური ჯანმრთელობის დაზღვევაზე მოთხოვნა 40%-ითაა გაზრდილი, მიუხედავად იმისა, რომ კერძო დაზღვევის მქონე მოქალაქეებს ჯანმრთელობის დაზღვევის პაკეტის შეძენის შემთხვევაში, სახელმწიფო პროგრამებით სარგებლობა ეზღუდებათ. ამიტომ, სადაზღვევო ასოციაცია ე.წ. დაშენებული სადაზღვევო პაკეტების მოდელის შემოტანას ითხოვს, რომელიც მომხმარებელს საშუალებას მისცემს, სახელმწიფოს მიერ დაფინანსებული საყოველთაო ჯანდაცვის პროგრამები კერძო დაზღვევით შეავსოს. რა დინამიკაა სამედიცინო დაზღვევის ბაზარზე და რას ითხოვს სექტორი?


#ახალიამბები #BusinessMediaGeorgia