ბუბა კიკაბიძე ხშირად მართავდა კონცერტებს საზღვარგარეთ. ერთ-ერთი გასტროლის დროს, დარბაზში ძირითადად უცხოელები ისხდნენ, რომელთაც ქართული ენა არ ესმოდათ. როდესაც ბუბამ ლეგენდარული სიმღერა „ჩიტი-გვრიტი“ შეასრულა, სიმღერის დასრულების შემდეგ დარბაზში სრული სიჩუმე ჩამოვარდა. მსახიობი შეშფოთდა, ეგონა, რომ შესრულება არ მოეწონათ.უცებ ერთი მაყურებელი წამოდგა და ინგლისურად იკითხა: „ეს სიმღერა თავისუფლებაზეა, არა?“. ბუბამ გაიღიმა და უპასუხა: „დიახ, ეს არის სიმღერა პატარა ჩიტზე, რომელსაც გალიაში ყოფნას ცაში თავისუფლად ფრენა ურჩევნია“. ამ სიტყვების შემდეგ მთელი დარბაზი ფეხზე წამოდგა და ტაშს რამდენიმე წუთის განმავლობაში უკრავდა. სიცოცხლის და სიყვარულის ელჩი იყო, თავის ქალაქზე,ხალხზე,მეგობრებზე და ქვეყანაზე უზომოდ შეყვარებული ბუბა კიკაბიძე, ის დღეს 88 წლის გახდება. აცხონოს ღმერთმა და როგორც მისი ჩიტო გვრიტოა, არც თქვენ შეაჩეროთ არასდროს ფრენა.


#ახალიამბები #BusinessMediaGeorgia