თბილისი-რუსთავის და თბილისი-მცხეთის, ასევე თბილისი-ლილოს და თბილისი-აეროპორტის მიწისზედა საქალაქო მატარებლის სისტემის ტექნიკურ-ეკონომიკური დასაბუთების მომზადების მიზნით აზიის განვითარების ბანკმა საერთაშორისო ტენდერი გამოაცხადა. სატენდერო დოკუმენტაციის თანახმად, შერჩეულმა კონსულტანტმა თბილისისა და მიმდებარე მუნიციპალიტეტების დამაკავშირებელი სარკინიგზო სისტემის ტექნიკური, ეკონომიკური, ფინანსური, გარემოსდაცვითი და სოციალური მიზანშეწონილობა უნდა შეაფასოს. კვლევის ფარგლებში უნდა განისაზღვროს სარკინიგზო დერეფნების განვითარების ოპტიმალური ვარიანტები რუსთავის, მცხეთის, მარნეულის, ლილოს აღმოსავლეთ ნაწილისა და ფონიჭალის მიმართულებებით. ძირითადი აქცენტი არსებული სარკინიგზო ქსელის გამოყენებაზე გაკეთდება, თუმცა საჭიროების შემთხვევაში შესაძლოა ახალი მონაკვეთების ან შემოვლითი ხაზების მშენებლობაც განიხილონ. რამდენად შეიძლება ეკონომიკურად გამართლებული იყოს აღნიშნული პროექტი და რით განსხვავდება ის, ჯერ კიდევ 2018 წელს მთავრობის ინიციატივისგან, თბილისი და რუსთავი მიწისზედა მეტროს ხაზით დაკავშირებოდა ერთმანეთს?

სტუმარი: გიორგი ბაბუნაშვილი - „ურბანული ლაბორატორიის“ ხელმძღვანელი

#ახალიამბები #BusinessMediaGeorgia