2026 წლის 26-28 ივნისს თბილისი ენდოკრინოლოგიის დარგის ერთ-ერთ უმნიშვნელოვანეს სამეცნიერო ფორუმს მასპინძლობს. სამდღიანი კონგრესი „შერატონ გრანდ თბილისი მეტეხი პალასში“ მიმდინარეობს და მასში წამყვანი ქართველი და საერთაშორისო ექსპერტები მონაწილეობენ.ღონისძიების ფარგლებში დეტალურად განიხილება თირკმელზედა ჯირკვლის პათოლოგიები, ლიპიდური დარღვევები, დიაბეტი, სიმსუქნე და ყოველდღიური პრაქტიკის სხვა საკვანძო საკითხები. კონგრესის პირველმა დღემ მკაფიოდ აჩვენა ენდოკრინოლოგიის მზარდი ინტერდისციპლინური კავშირი კარდიოლოგიასთან, მეტაბოლიზმსა და შინაგან მედიცინასთან. აშკარაა, რომ დღევანდელი კლინიკური პრაქტიკა თანაბრად ყალიბდება როგორც განახლებული გაიდლაინების, ისე რეალური სამედიცინო გამოცდილების საფუძველზე.


#ახალიამბები #BusinessMediaGeorgia