საქართველოში სალარო აპარატების მოქმედი სისტემა შესაძლოა მნიშვნელოვნად შეიცვალოს. პარლამენტში ქართული ოცნების დეპუტატებმა უკვე წარადგინეს კანონპროექტი, რომელიც უნივერსალური საკონტროლო-სალარო აპარატების დანერგვას ითვალისწინებს. კერძოდ, დღემდე ცალკე არსებული სალარო აპარატი და საბანკო ტერმინალი ერთ მოწყობილობაში გაერთიანდება და ერთი აპარატი შეასრულებს გადახდის მიღების, ოპერაციის აღრიცხვისა და საგადასახადო მონაცემების გადაცემის ფუნქციებს. რეფორმა ცვლის თავად სალარო აპარატების ბაზრის მოწყობის პრინციპსაც. დღეს ბიზნესს შეუძლია სხვადასხვა ტექნიკის მომწოდებელი და მომსახურების კომპანია აირჩიოს. ახალი მოდელის მიხედვით კი სალარო აპარატებისა და ელექტრონული კომერციის ტერმინალების მიწოდება და ტექნიკური მომსახურება ცენტრალიზებული გახდება, შესაბამის მომსახურებას მთავრობის მიერ შერჩეული კომპანია უზრუნველყოფს. „მთავარი მიზანი მომსახურების ტარიფების შემცირებაა,"- ამბობს საფინანსო საბიუჯეტო კომიტეტის თავმჯდომარე პაატა კვიჟინაძე #BMG-სთან. მისივე განმარტებით, ახალი სისტემა ასევე უკავშირდება საბარათე გადახდებზე საკომისიოს ცვლილებას. კანონპროექტი ითვალისწინებს ურთიერთგაცვლის საკომისიოს მაქსიმალური ზღვრის 0.3%-ით განსაზღვრას.

რა ჩანს კანონპროექტით ხილულად და სტრიქონებს შორის… რატომ არის საჭირო მრავალი მოთამაშის ერთი მიმწოდებელი ჩანაცვლება, რეალურად გაუიაფდება თუ არა მაღაზიებს საკომისიო და დავუახლოვდებით ამ რეფორმით ევროკავშირს?

სტუმარი: მაია ხელაძე - ტექნოლოგიების უნივერსიტეტის ასოცირებული პროფესორი, გადახდების სპეციალისტი

#ახალიამბები #BusinessMediaGeorgia