კვალიფიციური კადრების და სამუშაო ძალის დეფიციტი ბიზნესისთვის მიმდინარე წელსაც კვლავ მთავარ გამოწვევად რჩება. ამაზე საუბრობს არამხოლოდ მსხვილი ბიზნესი, არამედ SME სექტორიც. მაგალითად, BAG ინდექსის მიხედვით, სპეციალისტების ნაკლებობის პრობლემა მიმდინარე ეტაპზე ყველაზე მძაფრად მშენებლობის და მომსახურების სექტორებში იგრძნობა. სპეციალისტები განმარტავენ, რომ საქართველოში შრომის ბაზარზე დიდ გავლენას ახდენს მიგრაციული პროცესები, რის გამოც ბიზნესს უჭირს ფიზიკურად იპოვოს მოტივირებული ადამიანი, რომლის გადამზადებაშიც თავად ჩადებს ინვესტიციას. ამას ემატება ფორმალური განათლების კრიზისიც, რადგან მათი თქმით, ტრადიციული უმაღლესი განათლება ხშირად ვერ ეწევა ბაზრის დინამიკას. რა ფაქტორები ახდენს გავლენას დასაქმების ბაზარზე და რა ტიპის კადრების დეფიციტს განიცდის ბიზნესი.


#ახალიამბები #BusinessMediaGeorgia