„კოკა-კოლა ბოთლერს ჯორჯიამ“ რეკორდულად მოკლე დროში, სულ რაღაც ორ თვენახევარში, საქართველოში პირველი ჭკვიანი ნარჩენების მიმღები ავტომატი დააპროექტა და შექმნა. ეს არის სრულფასოვანი ქართული ნაწარმი, საკუთარი ელექტრონული დაფითა და ხელოვნური ინტელექტის მქონე კამერით, რომელიც მასალების ზუსტ სეპარაციას ახდენს. დიახ, ეს ახალი ველოსიპედის გამოგონების მცდელობა ნამდვილად არ არის, საქართველოში ამ ტექნოლოგიის აწყობა მომზადებას თავისი მიზეზი ჰქონდა. ამბები მოკითხულია და ნორვეგიული ანალოგები 15-დან 20 ათას ევრომდე ღირს. ქვეყნის სრული დაფარვისთვის საჭირო 2200-მდე აპარატის იმპორტი რაც ბიზნესს ანუ ქვეყანას 30 მილიონ ევროზე მეტი დაუჯდებოდა. ადგილობრივი წარმოება კი ამ ხარჯებს მნიშვნელოვნად ამცირებს. პროექტის ავტორები მომავალი წლისთვის უკვე მასობრივ წარმოებაზე გადასვლას და წელიწადში 2500-მდე აპარატის გამოშვებას გეგმავენ, რაც უზარმაზარ საექსპორტო პოტენციალს აჩენს აზერბაიჯანის, სომხეთისა და ცენტრალური აზიის ბაზრებზე. ნებისმიერ ქვეყანაზე რომელიც ინტერესდება სეპარაციით, ცირკულარული ეკონომიკით და მერწმუნეთ, ასეთი ქვეყნების რიცხვი მსოფლიოში დრამტულად მზარდია.
ტექნოლოგიის პარალელურად იქმნება სპეციალური აპლიკაცია შიდა ციფრული საფულით(Wallet).მომხმარებელი ბოთლის ჩაბარებისას დასკანერებს კოდს, მომენტალურად მიიღებს რეალურ ფულად ანაზღაურებას და მის გატანას ნებისმიერ საბანკო ანგარიშზე შეძლებს. ბიზნესი მზადაა, ნიმუში ნებისმიერ დაინტერესებულ ინვესტორს გადასცეს ქარხნის ასაშენებლად, თუმცა მთავარი ფორმულა სახელმწიფოს, საზოგადოებისა და მწარმოებლის სინქრონულ მოქმედებაშია.

სტუმრები:
➡️თემურ ჭყონია - “კოკა-კოლა ბოთლერს ჯორჯია”, დამფუძნებელი;
➡️ნიკოლოზ ძნელაძე - "კოკა-კოლა ბოთლერს ჯორჯია", ინოვაციური ტექნოლოგიებისა და გადახდების სისტემის სპეციალისტი;
➡️ლუკა ჯანჯღავა - "კოკა-კოლა ბოთლერს ჯორჯია",ინოვაციური ტექნოლოგიების ინჟინერი;
➡️გიორგი სიგუა - "კოკა-კოლა ბოთლერს ჯორჯია", ტექნოლოგიური განვითარების მენეჯერი;

ინტერვიუერი: ანნა ლაპიაშვილი - BMG.

#ახალიამბები #BusinessMediaGeorgia