არქიტექტურა, როგორც ემოციური გამოცდილება - ირაკლი აბაშიძე პროექტზე - The Lake-ტბა

გიყვებით ჩვენი პარტნიორის, მეგობრების და კარგი ხალხის არაჩვეულებრივ პროექტზე The Lake, რომლის კონცეფციაზე მსოფლიოში ერთ-ერთი წამყვანი არქიტექტურული ბიურო, ნორვეგიული Snohetta მუშაობს, თუმცა პროექტის განვითარებაში ქართველი არქიტექტორებიც მონაწილეობენ. Placemakers-ის მიზანია, საერთო ხედვის ფარგლებში თითოეულ არქიტექტორს მისცეს შესაძლებლობა, საკუთარი ხელწერა და ინდივიდუალური ხედვა წარმოაჩინოს. ამ პროცესში მნიშვნელოვანია არა მხოლოდ არქიტექტურული ფორმა და სივრცის ფუნქცია, არამედ ის ემოციური კავშირიც, რომელიც ადამიანს სახლთან უნდა ჰქონდეს. ამ ხედვის ერთ-ერთი მონაწილეა არქიტექტორი ირაკლი აბაშიძე, რომელსაც Placemakers-ის გუნდი ენდობა და საკუთარ პროექტში შემოქმედებითი თავისუფლების შესაძლებლობას აძლევს. მისთვის არქიტექტურა მხოლოდ კონკრეტული დანიშნულების სივრცის შექმნა არ არის, ეს არის შესაძლებლობა, გააზრებული ემოციისგან დაიბადოს ისეთი იდეა, რომელიც აქამდე არ გინახავს და ახალ გამოცდილებას ქმნის. როგორ იბადება არქიტექტურული იდეა ემოციის გააზრებიდან, რა მნიშვნელობა აქვს არქიტექტორის შემოქმედებით თავისუფლებას და როგორ შეიძლება შეიქმნას სახლი, რომელიც მხოლოდ საცხოვრებელი სივრცე კი არა, ადამიანისთვის განსაკუთრებული განცდის წყაროც იქნება, The Lake-ში საკუთარ ხედვას და სამუშაო პროცესზე არქიტექტორი ირაკლი აბაშიძე გვიამბობს.