როგორ ვაქციოთ საქართველოს ზღვისპირეთი მაღალმხარჯველუნარიან, პრემიუმ სეგმენტის ტურისტების ცენტრად? - ამ თემას მიეძღვნება ჩვენს მიერ ორგანიზებული კონფერენცია „გრემო,“ რომელიც 12 ივნისს ბათუმში ჩატარდება. სპეციალურად ამ შეხვედრისთვის კი რამდენიმე ადგილობრივი თუ საერთაშორისო კომპანია შესაბამისს კვლევებს გვიმზადებს. ერთ-ერთი ასეთი კი გახლავთ Cushman & Wakefield VERITAS-ი, რომელიც სწორედ იმ სტრატეგიულ წერტილებს აანალიზებს, რაც საქართველოს განვითარების ახალ საფეხურზე აიყვანს.
უნდა ითქვას, რომ პრემიუმ კლასის განვითარება მხოლოდ ბათუმით აღარ შემოიფარგლება.

ყურადღების ცენტრში ექცევა ისეთი ლოკაციები, როგორიცაა შეკვეთილი, გონიო, კვარიათი და ციხისძირი თუ სხვა.
ინფრასტრუქტურის ნაწილში კი საუბარია არ არის მხოლოდ სასტუმროებზე, არამედ ბრენდირებულ რეზიდენციებსა და „ველნეს“ ცენტრებზე. ტურისტი დღეს ეძებს არა მხოლოდ კომფორტს, არამედ ინდივიდუალურ გამოცდილებას პერსონალიზებულ მომსახურებას, მაღალი კლასის გასტრონომიას და ეკოლოგიურად სუფთა გარემოს.

რა სჭირდება დამატებით ღირებულებას? ამ კითხვაზე ერთ-ერთი მთავარი საკითხი სეზონურობის დაძლევაა. პრემიუმ კურორტი უნდა ფუნქციონირებდეს წელიწადში 12 თვე. ამისთვის კი აუცილებელია სამედიცინო ტურიზმის თუ MICE ტურიზმის განვითარება. ციფრული და ფიზიკური კავშირები: პირდაპირი ფრენები ევროპის დედაქალაქებიდან და გამართული შიდა ლოგისტიკა.