2.5 თვიანი მუშაობა დასრულებულია - პარლამენტის ფასების კომისიამ 104 გვერდიანი დასკვნა და რეკომენდაციები ისე გამოაქვეყნა, რომ მისი გაცნობა კომისიის წევრებმაც ვერ მოასწრეს, ამიტომ კომისიის წევრების ნაწილმა რეკომენდაციებს მხარი არ დაუჭირა. შემდეგი ეტაპი დოკუმენტის პარლამენტის ბიუროზე წარდგენა და მთავრობისთვის მიწოდებაა, რომელმაც შესაბამისი საკანონმდებლო წინადადებები მოამზადოს. კომისიის ერთ-ერთ საშუალოვადიან რეკომენდაციად ევროკავშირის დირექტივის მიღება და საკანონმდებლო ჩარჩოს შექმნა დასახელდა, რომელიც დაარეგულირებს ურთიერთობებს მწარმოებლებს, მომწოდებლებსა და მსხვილ სავაჭრო ქსელებს შორის. ამასთან, კომისიის უმრავლესობა ემხრობა ისეთი გადასახადების გაუქმებას, რომლებიც არ უნდა არსებობდეს. დასკვნაში რეკომენდაციები მოცემულია ფარმა და ნავთობპროდუქტების ბაზართან მიმართებაშიც.


#ახალიამბები #BusinessMediaGeorgia