ქართული ანბანი, უნიკალურ კულტურულ მემკვიდრეობასთან ერთად, შთაგონების წყაროა. სწორედ ამ მთავარი იდეის გარშემო გაერთიანდა ბრენდი „საინი“, რომელმაც ეროვნულ საგანძურს სრულიად ახალი სიცოცხლე შესძინა. ბრენდი მომხმარებელს უნიკალური შინაარსის, ფორმისა და დიზაინის მქონე პროდუქციას სთავაზობს, სადაც მთავარი გმირი ქართული ასო-ნიშნებია. „საინის“ კოლექცია მრავალფეროვანია: დახვეწილი ორნამენტებით გაფორმებული კერამიკა, ორიგინალური სამკაულები, ექსკლუზიური ტექსტილი და დეკორატიული ჭურჭელი. აქ თითოეულ ნივთს თავისი განსხვავებული ხასიათი და ისტორია აქვს. ის, რაც ადგილობრივი, ეროვნული მოტივებით დაიწყო, დღეს უკვე ცდება ქვეყნის საზღვრებსაც.

#ახალიამბები #BusinessMediaGeorgia