ახალი ვენახების გაშენების რეგულირების შემდეგ, მთავრობა ღვინის წარმოების რეგულირებასაც ამკაცრებს. “ვაზის და ღვინის შესახებ” კანონში მორიგი ცვლილებების თანახმად, ღვინის სექტორში შემოდის სავალდებულო ნიშანდების სისტემა. ცვლილებების მიხედვით, მარკირება ფასიანი იქნება და სავარაუდოდ, 1 ბოთლ სასმელზე 10 თეთრით განისაზღვრება. ღვინის მარკირების სისტემა სრულად 2027 წლის პირველი თებერვლიდან ამოქმედდება. ამასთან, ცვლილებებით, საყოველთაო სავალდებულო ორგანოლეპტიკურ შემოწმებას ყველა კატეგორიის ღვინო დაექვემდებარება, როგორც საექსპორტო, ისე ადგილობრივი ბაზრისთვის განკუთვნილი. სიახლეა ისიც, რომ „მცირე მარნის“ სტატუსის მქონე მეღვინეობების წარმოების მოცულობები 40 000 ლიტრიდან 25 000 ლიტრამდე მცირდება. რეალურად, რამდენადაა მიმართული ცვლილებები ღვინის ხარისხის გაზრდაზე და როგორ აფასებენ ღვინის მწარმოებლები დარგში მიდგომების გამკაცრებას?

სტუმარი: თამაზ ომანაძე - “ხომლის მარნის” დამფუძნებელი

#ახალიამბები #BusinessMediaGeorgia