დედაქალაქში გასაქირავებელ კომერციულ უძრავ ქონებაზე მოთხოვნა პიკს აღწევს, თუმცა ბაზარი მწვავე დეფიციტის წინაშე დგას. განსაკუთრებით დეფიციტური დიდი მოცულობის სავაჭრო კომერციული ფართებია. ამ ტიპის ფართებზე მოთხოვნა ძირითადად, ვაჭრობის სექტორის მხრიდანაა. თუმცა, როგორც რუითეილ სექტორის წარმომადგენლები აცხადებენ, 2 ათასი კვადრატული მეტრი და მეტი მოცულობის ფართები ბაზარზე თითქმის არ არსებობს. უძრავი ქონების სააგენტოებში კი აცხადებენ, რომ ქალაქის ცენტრალურ უბნებში არათუ დიდი მასშტაბის, მცირე და საშუალო კომერციული ფართებიც კი დეფიციტურია. რითეილ სექტორი კომერციული ფართის დაქირავებას მხოლოდ უფრო დიდი ფასის შეთავაზებით ახერხებს. რაც შეეხება საოფისე ფართებს, უძრავი ქონების სააგენტოების განმარტებით, იზრდება მოთხოვნა პრემიუმ კლასის, ბიზნეს ცენტრებში განთავსებულ ობიექტებზე.


#ახალიამბები #BusinessMediaGeorgia