3 თვით გადავადებული ტარიფის გაზრდა ელექტროენერგიაზე 30 მარტს ჩანიშნულ სემეკის სხდომაზე გარდაუვალი გახდა. თბილისსა და რეგიონებში მოსახლეობისთვის ელექტროენერგიის ტარიფი 5 თეთრით გაიზარდა. ელექტროენერგია საშუალოდ 4-6 თეთრით გაძვირდა არასაყოფაცხოვრებო სექტორისთვის, ანუ საწარმოებისთვისაც. სემეკის თავმჯდომარე ტარიფის მატებას ელექტროენერგიის მოხმარების ზრდით და იმპორტის მატებით ხსნის, მიზეზებს შორის დასახელდა ელექტროენერგიის მიწოდების ხარისხის გაუმჯობესების აუცილებლობაც. სემეკის სხდომაზე დასახელებული არგუმენტები ტარიფის მატებაზე კერძო ენერგეტიკის დარგის წარმომადგენლებისთვის მისაღები, ამბობენ რომ სხვაგვარად მომარაგების ხარისხი მნიშვნელოვნად გაუარესდება.
ელექტროენერგიის მოხმარებაზე დამოკიდებული ბიზნესების ნაწილი კი ხარჯის საშუალოდ 30%იანი ზრდის გათვალისწინებით სხვა და სხვა პროდუქტებზე ფასის მატებას არ გამორიცხავენ. რა არგუმენტებით გაზარდა სემეკმა ტარიფი და როგორია შეფასებები?


#ახალიამბები #BusinessMediaGeorgia