ავიაბილეთები ძვირდება. მიზეზი საავიაციო საწვავის გაძვირებაა. დღეის მდგომარეობით, ბარელი საავიაციო საწვავის საშუალო ფასი მსოფლიო ბაზარზე 197 დოლარია. მაშინ როდესაც 20 თებერვლის მდგომარეობით, ბარელი საავიაციო საწვავის საშუალო ფასი 96 დოლარი იყო. საავიაციო საწვავის ყველაზე დიდი გაძვირება ევროპაში ფიქსირდება - სადაც ბარელის ფასი 215 დოლარია, ხოლო აზიაში 205 დოლარი. გაძვირება უკვე აისახა ავიაბილეთებზე - ადგილობრივი ტუროპერატორების განცხადებით, ბილეთები თითქმის ყველა მიმართულებით, 30%-ით უკვე გაძვირდა. შესაბამისად, გაძვირდა ტურ პაკეტებიც, ხოლო გამყვანი ტურიზმის დინამიკაში შემცირებაა.

#ახალიამბები #BusinessMediaGeorgia