რესტორანი „ბარბარესთან“, რომელმაც ბარბარე ჯორჯაძის მიერ XIX საუკუნეში შექმნილი კულინარიული მემკვიდრეობა თანამედროვე ფორმატში გააცოცხლა, La Liste-ის მსოფლიოს 1000 საუკეთესო რესტორნის ჩამონათვალში მოხვდა. ეს რეიტინგი საერთაშორისო კრიტიკოსების შეფასებებს, გიდებსა და მომხმარებელთა რეიტინგებს აერთიანებს და რესტორნებს კონცეფციის, ტექნიკის, სერვისისა და სტაბილურობის მიხედვით აფასებს. რესტორნის გენერალური მენეჯერის განმარტებით, რესტორნის შერჩევა მათგან დამოუკიდებლად მოხდა : ანდრია ქურასბედიანის შეფასებით, ეს წარმატება მხოლოდ პროფესიული მიღწევა არ არის. ეს ნიშნავს, რომ ქართული გასტრონომია ღირსეულად არის წარმოდგენილი მსოფლიო რუკაზე.

#ახალიამბები #BusinessMediaGeorgia