საქართველოს ტექნიკური უნივერსიტეტის სამთო-გეოლოგიურ ფაკულტეტზე, არემჯის მხარდაჭერით, ქართულ-ავსტრიული ინჟინერიისა და ტექნოლოგიების ცენტრი ოფიციალურად გაიხსნა. ქართულ-ავსტრიული ინჟინერიისა და ტექნოლოგიების ცენტრი იმოქმედებს, როგორც პლატფორმა, რომელიც ხელს შეუწყობს სტუ-სა და ლეობენის უნივერსიტეტს შორის სხვადასხვა საგანმანათლებლო და კვლევითი პროექტების ინიცირებასა და განხორციელებას. ასევე, ცენტრი შექმნის შესაძლებლობას, რომ სამთო-გეოლოგიური მიმართულების ქართველმა და ავსტრიელმა სტუდენტებმა ერთმანეთს გამოცდილება გაუზიარონ. ცენტრში, „არემჯისა“ და ლეობენის ტექნიკურ უნივერსიტეტს შორის გაფორმდა თანამშრომლობის მემორანდუმი, რომელიც 2020 წელს დაწყებული პარტნიორობის კიდევ უფრო გაღრმავებასა და ახალი ერთობლივი პროექტების განვითარებას ითვალისწინებს.


#ახალიამბები #BusinessMediaGeorgia