ახლო აღმოსავლეთის ომის ფონზე, ნავთობი ძვირდება - კონფლიქტის შესაძლო გავლენა საქართველოზე
აშშ-ისრაელის მიერ ირანზე განხორციელებული სამხედრო იერიშის ფონზე, საერთაშორისო ბირჟებზე ნავთობი ძვირდება. ჰორმუზის სრუტეში ტანკერების მოძრაობის ფაქტობრივი შეჩერების და მიწოდების გლობალური ჯაჭვის შესაძლო შეფერხების მოლოდინის ფონზე, Brent-ის მარკის ნავთობი დაახლოებით 8%-ით, 78 დოლარამდე გაძვირდა. იმ შემთხვევაში თუკი ახლო აღმოსავლეთში არსებული სამხედრო კონფლიქტი გაგრძელდება, არის მოლოდინი, რომ გლობალური მიწოდების ჯაჭვი მნიშვნელოვნად შეფერხდება, რაც გადაზიდვების გაძვირებასაც გამოიწვევს. უკვე კეთდება გათვლები, რომ თუკი კონფლიქტი შედარებით დიდხანს გაგრძელდება, ამას გავლენა საქართველოში როგორც ნავთობპროდუტების ფასებზე, ასევე ზოგადად ინფლაციაზე ექნება. როგორ შეიძლება აისახოს ახლო აღმოსავლეთში შექმნილი ვითარება საქართველოზე?


#ახალიამბები #BusinessMediaGeorgia