საქართველოში მიკროდაფინანსების ბაზრის სტრუქტურა იცვლება. ორი მიკროსაფინანსო ორგანიზაციის მიკრობანკად გარდაქმნის შემდეგ, 2025 წელს მისოების დაკრედიტება 2 მილიარდიდან 1.9 მილიარდამდე შემცირდა და უკვე ჩამორჩება უფრო წვრილი კრედიტორების დაკრედიტებას. შეიცვალა საკრედიტო პორტფელის შემადგენლობაც. კრედიტებში გაიზარდა სალომბარდე სესხების წილი და ის მთლიანი პორტფელის 78%-ს აღწევს, მაშინ როდესაც ლომბარდზე 2024 წელს სესხების 56% მოდიოდა. შესაბამისად, არსებული მდგომარეობით მისოების მთავარ ბიზნესმოდელს სალომბარდე სესხების გაცემა წარმოადგენს. ამ ტენდენციის საპირისპირო სურათს ვხედავთ ისეთი მცირე კრედიტორების ბაზარზე, როგორებიც არიან სესხის გამცემი სუბიექტები, ანუ პირები, რომელთა მიმართ დავალიანება 20-ზე მეტი ფიზიკურ პირს აქვს. ბაზრის ეს სეგმენტი ნაკლებად რეგულირებულია და როგორც ჩანს ზრდის მკვეთრ ტემპს აჩვენებს. სესხის გამცემი სუბიექტების საკრედიტო პორტფელი 2025 წელს წლიურად 231.4 მლნ ლარით გაიზარდა და 2 მილიარდს მიუახლოვდა. ამ პორტფელში სამომხმარებლო სესხები სჭარბობს - 1.06 მლრდ ლარის ოდენობით, მეორე ადგილზეა ლომბარდი 274.8 მლნ ლარით, სამეულშია ვაჭრობა და მომსახურების დაკრედიტება, ამ სექტორში 235 მლნ ლარამდე სესხებია გაცემული. ჯამური პორტფელიდან 69.7 მლნ ბიზნესის დაკრედიტებაზე მოდის. გადაინაცვლა თუ არა ფულმა ნაკლებად რეგულირებულ სივრცეში და რჩება თუ არ მხოლოდ ლომბარდზე ჩამოკიდებული მიკროსაფინანსო სექტორი

სტუმარი: ნინო დევდარიანი - მიკროსაფინანსო ორგანიზაციების ასოციაციის თავმჯდომარე

#ახალიამბები #BusinessMediaGeorgia