ლონდონის საფონდო ბირჟის მთავარი ინდექსის - FTSE 100-ის შემადგენლობის მორიგ გადახედვამდე სულ ცოტა დრო რჩება, ბრიტანული გამოცემა Investor's Chronicle-ი აქვეყნებს სტატიას იმის შესახებ რომ მაღალი ალბათობით შემდგომ გადახედვაზე ამ ინდექსს "საქართველოს ბანკის ჯგუფი", ანუ Lion Finance (BGEO) შეუერთდება.სტატიაში ხაზგასმულია, რომ თუ Lion Finance-ის აქციების ფასი 105 ფუნტ სტერლინგს მიაღწევს, მისი მოხვედრა FTSE 100-ის ინდექსში გარდაუვალია.

ბოლო სამ წელიწადში ბანკის ღირებულება გაოთხმაგდა და 4.3 მილიარდ ფუნტს მიაღწია. თუმცა, ამ ზრდის უკან მხოლოდ ქართული პორტფელი აღარ დგას. მას შემდეგ, რაც ჯგუფმა სახელი შეიცვალა და სომხეთის უმსხვილესი ბანკი, Ameriabank-ი შეიძინა, Lion Finance-ი რეგიონში წამყვან კერძო საფინანსო ინსტიტუტად ჩამოყალიბდა.
18_3 photo archil gachechilazde photo

თავად არჩილ გაჩეჩილაძე, რომელიც FTSE 100-ის ყველაზე ახალგაზრდა CEO შეიძლება გახდეს, პროცესს მშვიდად უყურებს:„ეს მოხდება მარტში, ივნისში თუ სექტემბერში, ამას რეალურად მნიშვნელობა არ აქვს,“ - აღნიშნა მან Investors’ Chronicle-თან საუბრისას

#ახალიამბები #BusinessMediaGeorgia