“ეკონომიკის განვითარების ბანკი ენერგეტიკის განვითარების ფონდის „ანალოგიური პრინციპით იმუშავებს“ - ამის შესახებ ირაკლი კობახიძემ დღეს BMG-ის კითხვის პასუხად განაცხადა და თქვა, რომ ახალი სახელმწიფო ინსტიტუტი საინტერესო და მრავალფუნქციური ბანკი იქნება, რომელიც შეითავსებს დღევანდელი რამდენიმე ინსტიტუციის ფუნქციებს. მისივე თქმით, კონკრეტული ინსტიტუციები, რომლებიც მათ შორის ამ ბანკში იქნებიან გაერთიანებული, კრედიტებს გასცემენ და ამ ფორმით გაგრძელდება ამ ბანკის ფუნქციონირებაც. ეკონომიკის მინისტრი კი ამბობს, რომ ახალი სტრუქტურა ყველა სექტორს დაფარავს, თუმცა, აქცენტი გაკეთდება იმ დარგებზე, რომლებსაც გამოკვეთილად დამატებითი ყურადღება სჭირდება, მათ შორის წარმოება და ენერგეტიკაა. კერძო სექტორის ნაწილი, მათ შორის ენერგეტიკის დარგის ინვესტორები ახალი უწყების შექმნის იდეას იწონებენ და იმედოვნებენ, რომ მათთვის ფინანსურ რესურსებზე წვდომა გამარტივდება, ეკონომისტების ნაწილი კი ამბობს, რომ ქართული ოცნების ინიციატივა არაერთ რისკს შეიცავს.


#ახალიამბები #BusinessMediaGeorgia