ანაკლიის პორტის თემა კიდევ ერთი საკითხი იყო რაზე პრემიერმა გასულ უქმეებზე ისაუბრა და თქვა რომ შესწავლა ჩინური კომპანიის გრძელდება. ტემპების კორექციის მიუხედავად ანაკლიის პორტის მნიშვნელობა არათუ იკლებს არამედ მზარდია.
პორტის პროექტი მეტად პოლიტიკურია, თუმცა, განხორციელების შემთხვევაში, ანაკლიას შეუძლია შუა დერეფანში საქართველოს როლი გააფართოოს - ამის შესახებ ევროკომისიის გაფართოებისა და აღმოსავლეთ სამეზობლო პოლიტიკის საკითხების გენერალური დირექტორატის კვლევაშია აღნიშნული. ევროკომისია ფაქტობრივად, პირველად, ანაკლიის პორტს ტრანსევროპული სატრანსპორტო ქსელის გაფართოების პროექტების ნაწილს მიაკუთვნებს. დოკუმენტის მიხედვით, ტრანსევროპული სატრანსპორტო ქსელის გაფართოების კონტექსტში, ანაკლიის პროექტი ერთ-ერთ მნიშვნელოვან კომპონენტად განიხილება, რომელსაც შუა დერეფანში საქართველოს პოზიციის გაძლიერება შეუძლია. აღსანიშნავია, რომ უკვე 10 წელი გავიდა მას შემდეგ, რაც 2016 წლის 8 თებერვალს, საქართველოს მთავრობამ ანაკლიის პორტის მშენებელი კომპანია - ანაკლიის განვითარების კონსორციუმი გამოავლინა. 10 წლის თავზე საქართველოს მთავრობა ახალ ინვესტორთან კვლავ მოლაპარაკებების პროცესშია. ვინ და რა უშლის ხელს ანაკლიის პორტის პროექტის განვითარებას და რას წერს ევროკავშირის ანგარიში პორტის სტრატეგიულ მნიშვნელობაზე?


#ახალიამბები #BusinessMediaGeorgia