თბილისის საერთაშორისო აეროპორტის ყაზახეთის კიდევ ერთი მიმართულება — შიმკენთი დაემატა, რომელსაც ავიაკომია SCAT Airlines მოემსახურება. დღეს ყაზახურმა ავიაკომპანიამ შიმკენთიდან თბილისში პირველი რეისი შეასრულა. შიმკენთი–თბილისი–შიმკენთის ფრენები სეზონური იქნება და კვირაში ორჯერ განხორციელდება. საინაუგურაციო რეისი Boeing 737-ის ტიპის თვითმფრინავით შესრულდა. პირველი ფრენის აღსანიშნავად, თბილისის და ბათუმის აეროპორტების მმართველმა TAV Georgia-მ სიმბოლური ღონისძიება გამართა. აღსანიშნავია, რომ შიმკენთი ყაზახეთის მეხუთე მიმართულებაა თბილისის საერთაშორისო აეროპორტიდან. ამ ეტაპზე, საქართველოდან პირდაპირი ავიარეისები ასევე სრულდება ალმათის, ასტანის, აატირაუსა და აქთაუს მიმართულებით;


#ახალიამბები #BusinessMediaGeorgia