სოციალურად დაუცველთა დასაქმების სახელმწიფო პროგრამა მომავალ წელს სავარაუდოდ აღარ გაგრძელდება. ფინანსთა სამინისტროს მიერ პარლამენტში წარდგენილი 2026 წლის სახელმწიფო ბიუჯეტის საბოლოო პროექტის თანახმად, საზოგადოებრივ სამუშაოებზე დასაქმების ხელშეწყობის პროგრამის მომავალი წლის ბიუჯეტი მკვეთრად, 91 მლნ ლარით მცირდება. განმარტებით ბარათში აღნიშნულია, რომ მიზანშეწონილად ჩაითვალა მომდევნო პერიოდში აღარ გაგრძელდეს პროგრამა არსებული სტრუქტურით. სპეციალისტების ნაწილი ამბობს, რომ სოცდაუცველთა დასაქმების პროგრამას რეალური ეფექტი არ ჰქონია და მას მთავრობა უფრო მეტად პოლიტიკური მიზნებისთვის იყენებდა. ბიზნესი კი მიიჩნევს, რომ პროგრამის სტრუქტურა იმგვარად უნდა შეიცვალოს, რომ ბენეფიციარების კერძო სექტორში დასაქმებას მაქსიმალურად შეეწყოს ხელი.


#ახალიამბები #BusinessMediaGeorgia