სწრაფად ბრუნვადი სამომხმარებლო საქონლის ბაზარი ორნიშნა ზრდას ინარჩუნებს. გალტ ენდ თაგარტის მონაცემებით, წელს 9 თვეში FMCG ბაზარი წლიურად 10%-ით გაიზარდა 17.9 მილიარდ ლარამდე. ბაზრის თითქმის 42% ბრენდული ქსელები იკავებენ, რომელთა შემოსავალმა წელს უკვე 7.5 მილიარდი ლარი შეადგინა. ზრდა ძირითადად განპირობებული იყო არსებული მაღაზიების გაყიდვების ზრდით და რეგიონალური ექსპანსიით. მიუხედავად რითეილ ბაზარზე მაღალი კონკურენციისა, მიმწოდებლები მაინც ჩივიან, რომ რითეილსა და დისტრიბუტორს შორის საბაზრო ძალაუფლების დისბალანსია და ბაზარს წესებს რითეილ სექტორი სთავაზობს, რადგანაც ქსელურ მარკეტებს კონკრეტული პროდუქტის ჩანაცვლება სხვა პროდუქტით, ან დისტრიბუტორის ჩანაცვლება სხვა დისტრიბუტორით, მარტივად შეუძლიათ, თუმცა მეორეს მხრივ, დისტრიბუტორებისთვის კონკრეტული ქსელის ჩანაცვლება სხვა ქსელით უფრო რთულია. რითეილერის მიერ დაწესებული ქეშბექი, შესვლის გადასახადი თუ რეტრო ბონუსები საბოლოოდ ფასში აისახება და პროდუქცია მიწოდების დონეზე ძვირდება. ვინ ადგენს პრაქტიკაში ბაზარზე თამაშის წესებს?

სტუმარი: ია ნადირაშვილი - BeWise Georgia-ს თანადამფუძნებელი

#ახალიამბები #BusinessMediaGeorgia