პარლამენტში წარდგენილია კანონპროექტი ბიზნესომბუდსმენის აპარატის გაუქმებასთან დაკავშირებითაც. 2026 წლის 1 იანვრიდან მოქმედი ბიზნესომბუდსმენი ეკონომიკისა და მდგრადი განვითარების მინისტრის მრჩევლის პოზიციაზე გადაინაცვლებს, საიდანაც განახორციელებს დარჩენილ უფლებამოსილებებს. "საჯარო სამსახურის შესახებ“ კანონში შეტანილი ცვლილებებით, 1-ელი აგვისტოდან მრჩევლის პოზიცია არაანაზღაურებადი გახდა. 2015 წელს შექმნილი ინსტიტუტი, რომელიც კერძო სექტორსა და სახელმწიფოს შორის მედიატორის როლს ასრულებდა, 2026 წლის 1 იანვრიდან ოფიციალურად წყვეტს არსებობას. 2026 წლის 1 იანვრიდან უქმდება ბიზნესომბუდსმენისა და მისი მოადგილეების თანამდებობები, ბიზნესომბუდსმენის აპარატი ლიკვიდირდება. თანამშრომლებს, მათ შორის ომბუდსმენსა და მის მოადგილეებს, 3-თვიანი ფინანსური კომპენსაცია ენიჭებათ;

შეცვლილი სტრუქტურის გათვალისწინებით ბიზნესომბუდსმენის აპარატის მუშაობასთან დაკავშირებით ბიზნესების მხრიდან განსხვავებული შეფასებები კეთდება. ბიემჯისთან კერძო სექტორის წარმომადგენელთა ნაწილი მათი უფლებების დაცვისთვის შექმნილი ინსტიტუტის სარგებლიანობაზე და ნაწილი მისი მოდიფიკაციისა და ეფექტიანობის გაზრდის საჭიროებაზე საუბრობს. რამდენად ეფექტიანი იქნება სიახლე და როგორ შეძლებს ეკონომიკის მინისტრთან ეკონომიკის სამინისტროსთან შექმნილ პრობლემებზე ბიზნესების ინტერესების დაცვას მრჩეველის სტატუსით ოთარ დანელია ?

#ახალიამბები #BusinessMediaGeorgia