პარლამენტის თავმჯდომარის გახმოვანებული ცვლელებებიდან ბიზნესომბუდსმენის აპარატის გაუქმება მხოლოდ ერთ ერთი იყო. შალვა პაპუაშვილმა გუშინ თქვა, რომ უქმდება ანტიკორუფციული ბიურო და პერსონალურ მონაცემთა დაცვის ინსტიტუტი და ორივე აუდიტის სამსახურის დაქვემდებარებული სტრუქტურების მხრიდან გაკონტროლდება. საკანონმდებლო ორგანოშივე პარლამენტის თავმჯდომარემ გუშინ თქვა, რომ ეს ინსტიტუტები გარე ძალების თავსმოხვეული იყო, დღეს ქართული ოცნების დეპუტატმა ისიც თქვა რომ ანტოკორუფციული ბიუროს არსებობა ანტიკონსტიტუციური იყო. ეს განცხადება არის თუ არა რამენაირად იმის საფუძველი რომ ამ უწყების გადაწყვეტილებები მაგალითად ჯარიმები გაბათილდეს ეს აღარ თქმულა.

პრემიერ მინისტრმა ისიც თქვა, რომ ანტოკორუფციული მოქმედებისთვის განაწილებული უფლებები უფრო ეფექტური იქნება. აუდიტის სამსახურის და მისი ხელმძღვანელის მხრიდან რომელიც ყოფილი მთავარი პროკურორია ამ საკითხზე კომენტარი არ გაკეთებულა. გასათვალისწინებელი ამ განახლებებში ისიც არის, რომ ანტიკორუფციული ბიურო 2022 წლის 15 დეკემბერს „კორუფციის წინააღმდეგ ბრძოლის შესახებ“ საქართველოს კანონში განხორციელებული საკანონმდებლო ცვლილებების საფუძველზე შეიქმნა, ბიურო შეიქმნა ევროკავშირის წევრობის კანდიდატის სტატუსის საქართველოსთვის მისანიჭებლად, ევროკომისიის მიერ განსაზღვრული მე-4 პრიორიტეტული ამოცანის საფუძველზე.

და კიდევ ერთი სიახლე, რაც ამ კონტექსტში საინტერესო შეიძლება იყოს, მიმდინარე თვეში გაირკვა, რომ მთავრობის ადმინისტრაციას შეეძლება უფლებამოსილი ორგანოსგან საგადასახადო საიდუმლოების ან პერსონალური მონაცემების (მათ შორის, განსაკუთრებული კატეგორიის) შემცველი ინფორმაციის გამოთხოვა. შესაბამისი საკანონმდებლო ცვლილებები უკვე დარეგისტრირებულია. განმარტებითი ბარათის მიხედვით, კანონპროექტი საჭიროა "გადაწყვეტილებათა შესრულების კონტროლის ხელშეწყობისთვის", რაც მთავრობის ეფექტიანობის დეპარტამენტის ფუნქციებში შედის.

სტუმარი: ლევან ავალიშვილი, IDFI, პროგრამების დირექტორი

#ახალიამბები #BusinessMediaGeorgia