დისბალანსი განათლებასა და დასაქმებას შორის - მთავრობა განათლების რეფორმას და შრომის ბაზრის კიდევ ერთ კვლევას აანონსებს. ქართული ოცნება აცხადებს, რომ სწორედ ბაზრის ანალიზის საფუძველზე მოხდება უნივერსიტეტებში სტუდენტების მიღება. განათლების რეფორმის კუთხით გეგმები ირაკლი კობახიძემ გასული კვირის ბოლოს ბიზნესსექტორის წარმომადგენლებს წარუდგინა. ამ შეხვედრიდან გამოსულმა კი მედიასთან თქვა, რომ რადგანაც ქვეყანაში 2 მსხვილი დამსაქმებელია - სახელმწიფო და ბიზნესი, ამიტომ რეფორმაში კერძო სექტორის ჩართულობა მნიშვნელოვანია. მისი თქმით, არის მიმართულებები, სადაც კადრების დეფიციტია, მაშინ როდესაც სხვა მიმართულებებზე პირიქით, სიჭარბეა. ირაკლი კობახიძე ამბობს, რომ სტუდენტების მიღებისას იქნება კვოტები დისციპლინების და უნივერსიტეტების მიხედვით.

კიდევ რა ითქვა დახურულ შეხვედრაზე და რა გამოწვევებს ხედავს კერძო სექტორი შრომის ბაზარზე კადრების კუთხით და როგორ ხედავს ბიზნესი განათლების რეფორმაში თავის როლს?

სტუმარი: მაია წერეთელი - KMS Georgia-ს აღმასრულებელი დირექტორი

#ახალიამბები #BusinessMediaGeorgia