საბანკო სექტორში დაკრედიტების ზრდის ტემპი შედარებით შენელებულ მაჩვენებელზე ნარჩუნდება. სექტემბერში კომერციული ბანკების საკრედიტო პორტფელის წლიურმა ზრდის ტემპმა 13.3% შეადგინა. თვიურ ჭრილში კი ბანკების მიერ გაცემული სესხების მოცულობა მხოლოდ 1%-ის ფარგლებშია გაზრდილი. რაც შეეხება საპროცენტო განაკვეთებს, განაკვეთები შედარებით მაღალ ნიშნულზე ნარჩუნდება და გასულ თვეს ლარის სესხებზე საშუალო საპროცენტო განაკვეთი თითქმის 16%-ს აღწევდა. ამ ფონზე, ეროვნულ ბანკში არ გამორიცხავენ, რომ დეველოპერული სექტორისთვის შესაძლოა, დაკრედიტების რეგულაციები შემსუბუქდეს.


#ახალიამბები #BusinessMediaGeorgia