სახელმწიფო შესყიდვებში "თეთრ სიასთან” დაკავშირებით გარდამავალი მოდელი 2026 წლიდან ამოქმედდება. შესაბამისი დადგენილება მთავრობამ უკვე მიიღო. დადგენილების თანახმად, მომავალი წლიდან წინასწარი ანგარიშსწორების შემთხვევაში თეთრ სიაში მყოფი კომპანია შემსყიდველ ორგანიზაციას წარუდგენს ავანსის თანხის 60%-ის ოდენობის გარანტიას, ნაცვლად დღეს არსებული 50%-ისა. უკვე 2028 წლიდან კი ეს მოცულობა 80% იქნება. ამასთან, შედარებით მკაცრდება თავად თეთრ სიაში მოხვედრის კრიტერიუმები. სახელმწიფო ტენდერებში მონაწილე კომპანიების ნაწილი აცხადებს, რომ ეს გადაწყვეტილება კომპრომისულია. დარგის სპეციალისტების ნაწილი კი ამბობს, რომ ამ გადაწყვეტილებით შესაძლოა, სახელმწიფო ტენდერებში კონკურენცია კიდევ უფრო შემცირდეს.


#ახალიამბები #BusinessMediaGeorgia