საქართველოს ეროვნული ბანკის პრეზიდენტი ნათია თურნავა აცხადებს, რომ პარლამენტში შესულ ინიციატივაზე, რაც საბანკო ბარათით მაქსიმუმ 0.5%-ის საკომისიოს დაწესებას ითვალისწინებს ბანკებთან კომუნიკაცია ექნებათ. სექტემბერში ქართული ოცნების დეპუტატებმა პარლამენტში დაარეგისტრირეს საკანონმდებლო პაკეტი, რომელიც
ბანკებს უკრძალავს ბარათის მომსახურების საკომისიოს ტრანზაქციის ღირებულების 0.5%-ზე მაღლა დაწესებას. ეს კი თავის მხრივ არსებულ საკომისიოებთან (1-2%) მნიშვნელოვნად ნაკლებია. ნათია თურნავა აღნიშნავს რომ საბანკო ბარათებით გადახდის ინფრასტრუქტურა ქვეყნის ეკონომიკისთვის სტრატეგიულად მნიშვნელოვანია, ამიტომ ისინიც იქნებიან ჩართული ბანკებთან კომუნიკაციაში. თურნავას თქმით ეროვნული ბანკი მხარს უჭერს რეგულირების სწორი მოდელის მოძებნას, რაც მათ შორის ევროპული გამოცდილების გაზიარებაში შეიძლება მდგომარეობდეს.

ამჟამად არსებული პრაქტიკით, პოსტერმინალებით გადახდის მთლიანი საკომისიო, რასაც ბიზნესები მათთან განხორციელებულ გადახდებზე იხდიან 0.5%-ზე გაცილებით უფრო მაღალია. მაგალითად, 10 ლარამდე ოპერაციებისთვის ურთიერთგაცვლის საკომისიო არის დაახლოებით 5-10 თეთრი, რაც ნიშნავს რომ 1 ლარის ღირებულების ტრანზაქციის შესრულებისას მცირე მეწარმეს შეიძლება 90-95 თეთრი მისდიოდეს, 5-10 თეთრი კი ტრანზაქციის საფასურს წარმოადგენს, ეს კი ტრანზაქციის ღირებულების 5%-10%-ია. 10 ლარზე მაღალ ოპერაციებზე კი საკომისიო შეიძლება 1%-2% იყოს, ანუ ყოველი 100 ლარიდან 1-2 ლარი. რა შესაძლო გავლენა შეიძლება ჰქონდეს ინიციატივას როგორც საბანკო ისე რითეილ სექტორზე?

სტუმარი: მაია ხელაძე - BTU ასოცირებული პროფესორი, დარგის სპეციალისტი

#ახალიამბები #BusinessMediaGeorgia