რეკორდულად მაღალი მოსავალი და სახელმწიფოს მიერ შეძენილი რეკორდული მოცულობის ყურძენი - რთველი 2025 სრულდება. ღვინის ეროვნული სააგენტოს მონაცემებით, 23 ოქტომბრისთვის, საქართველოს მევენახეობის რეგიონებში 330 ათასი ტონა ყურძენი გადამუშავდა. ქვეყნის მასშტაბით მოსავალი 21 200-მა მევენახე ფერმერმა დააბინავა. გადამუშავებული ყურძნიდან დაახლოებით 200 ათასი ტონა ყურძენი კერძო სექტორმა, დანარჩენი მოსავლის ნაწილი კი სახელმწიფომ შეიძინა. აღსანიშნავია, რომ წელს რთველი განსხვავებული პირობებით ჩატარდა და ღვინის კერძო კომპანიებზე სუბსიდია აღარ გაიცემოდა, რის გამოც კომპანიებს წელს ყურძნის შედარებით მაღალ ფასად შესყიდვა მოუწიათ.


#ახალიამბები #BusinessMediaGeorgia