ბლუმბერგის ინფორმაციით ტრამპის მიერ ავტოიმპორტზე ტარიფების დაწესება ყველაზე მძიმედ Porsche-სა და Mercedes-Benz Group-ზე აისახება, პოტენციური ზარალის მოცულობა კი $3.7 მილიარდია.
ტრამპის მიერ დაწესებული 25%-იანი გადასახადი, რომელიც ძალაში 3 აპრილიდან შევა, Porsche-სა და Mercedes-ის 2026 წლის საოპერაციო პროგნოზირებულ შემოსავალს, სავარაუდოდ, მეოთხედით შეამცირებს. ზარალის შესამცირებლად კომპანიებს ფასების ზრდა ან წარმოების აშშ-ში გადატანა მოუწევთ.
დონალდ ტრამპმა ქვეყანაში ავტომობილებისა და მათი ნაწილების იმპორტზე 25%-იანი ტარიფები რამდენიმე დღის წინ გამოაცხადა. ტრამპის განცხადებით, ახალი ტარიფები ძალაში 2 აპრილიდან შევა, ხოლო ავტომობილების იმპორტიორი ბიზნესებისთვის გადასახადები მეორე დღიდან ამოქმედდება. რაც შეეხება ავტონაწილების იმპორტის გადასახადს, ის მაისში ან უფრო გვიან შევა ძალაში.

#ახალიამბები #BusinessMediaGeorgia