დღეს ქვეყანაში უწყვეტი პროტესტის 76 დღეა, მოსახლეობის ნაწილი ხელახალ არჩევნებს და უსამართლოდ დაკავებული პირების გათავისუფლებას ითხოვს, ურთიერთობა დაძაბულია დასავლეთთან და გადატვირთვა ჯერ არც შეერთებულ შტატებთან დაწყებულა, რისი მოლოდინსაც ქართული ოცნება ქმნიდა. ახლა ოცნება ახალი მოკავშირეების ძიებაშია და ბოლო 1 თვეში ირაკლი კობახიძე არაბთა გაერთიანებულ საამიროებში უკვე მეორედ გაემგზავრა, ამჯერად გლობალურ მთავრობათა სამიტის ფარგლებში. ანონსდება, რომ იქნება შეხვედრები როგორც მასპინძელი ქვეყნის პოლიტიკურ ლიდერებთან, ასევე წამყვანი კომპანიების ხელმძღვანელობასთან. მანამდე კი როგორც ცნობილია, არაბეთის გაერთიანებული საამიროების მხრიდან ქვეყანაში 6 მილიარდი დოლარის ინვესტიციის განხორციელებაც დაანონსდა. მიმდინარე პროცესების ფონზე, რამდენად რეალური და შედეგის მომტანი შეიძლება იყოს ქართული ოცნების მცდელობა დააინტერესოს ინვესტორები და როგორ შეიცვალა განწყობები იმ ბიზნესების მხრიდან, რომლებიც წლების განმავლობაში ქვეყანაში შესაბამის თანხებს ხარჯავდნენ და ბიზნეს საქმიანობით იყვნენ დაკავებული?

სტუმარი: ზაზა ბიბილაშვილი - „ჭავჭავაძის ცენტრის“ დამფუძნებელი;

#ახალიამბები #BusinessMediaGeorgia