ორშაბათს, შუადღეს ირაკლი კობახიძე საქართველოს მთავრობის კანცელარიაში მთავრობის სხდომის ოთახში ეპატიჟება ბიზნესმენებს, საქმიან ადამიანებს ვისთანაც გამართავს შეხვედრას მიმდინარე მოვლენებთან დაკავშირებით და სავარაუდოდ გააჟღერებს მთავრობის ხედვას ვითარებაზე, ვიცე პრემიერ დავითაშვილთან და შესაძლოა სხვა პირებთან ერთადაც.
ნამდვილად არ გამოვდგები, არც ვაპირებ ვაკადრო საკუთარ თავს ან საქმიან საზოგადოებას მათი მრჩეველი ვიყო დასწრების პირობებში რა საკითხები უნდა წამოწიონ, თუმცა თხოვნა მაქვს თქვენთან, ნამდვილად, უმორჩილესი და ამ ორ კითხვაზე წამოიღეთ თქვენთვის მაინც პასუხი, თორემ ჩვენ პასუხი დიდი ხანია მიღებული გვაქვს ამდენ ტლინკინში - მაშ ასე, კითხვები შემდეგია:

რატომ წამოვიდა მთელი ცივილიზებული მსოფლიო საქართველოს წინააღმდეგ აწ უკვე სანქციებით და ხედავს თუ არა ბატონი კობახიძე პოზიტიურ პერსპექტივას ამ ვითარებაში ქვეყნის ეკონომიკის განვითარებისა?
რა ხდება თუ პრეზიდენტი ტრამპის ადმინისტრაციამ ვერ მოიცალა საქართველოსთვის პოზიტიური დღის წესრიგით და სანქციები დარჩა როგორც არის?

მე კარგადა ვიცი და მსოფლიო პრაქტიკა და მაგალითები ადასტურებს, რომ სანქცირებულთა სიაში ვინც შევიდა, იქიდან ამოწერილი მე არავინ მინახავს მგონი ნაწილს გჯერათ, რომ 20 იანვარს ტრამპი საქართველოთი დაიძინებს და გაიღვიძებს, და თუ მიიღებთ ამ კითხვებზე პასუხს, და დიდი ალბათობით, ახალ არაფერს არ მოისმენთ.
არავინ გთხოვთ გმირობას და საკუთარ თავზე გადახტომას. უბრალოდ, შეხვედრიდან გამოსვლის შემდეგ რახან მიდიხართ და ესწრებით ეცით პატივი საზოგადოებას, დეტალურად მოუყევით რაზე ისაუბრეთ, და შემდგომ, უკვე, შემოუერთდით ან არ შემოუერთდეთ ამ პლატფორმას
freebusiness.ge - რომელსაც ოროსანი სახელმწიფო ჩინოვნიკები და დაგრძელებული პროპაგანდონები პოლიტიკურ პლატფორმას ეძახიან, ამ დროს კი ყველაზე თავისუფალი ადამიანების ერთობას გამოხატავს.


#ახალიამბები #BusinessMediaGeorgia