2025 წლის სახელმწიფო ბიუჯეტის საბოლოო პროექტით, საერთაშორისო ორგანიზაციებიდან, უცხოეთის მთავრობებიდან და უცხოური ორგანიზაციებიდან მისაღები გრანტების მთლიანი მოცულობა 91 მილიონი ლარით მცირდება და 59.9 მილიონი ლარით განისაზღვრება. ამასთან, ბიუჯეტის გრანტების გეგმა შემცირებულია ბიუჯეტის მეორე წარდგენის პროექტთან შედარებითაც და ამ მხრივ კლება 366 ათასი ლარია. საბოლოო პროექტის მიხედვით, მცირდება უცხოური კრედიტების მოცულობაც 159 მილიონი ლარით. ამასთან, 6 %-მდეა გაზრდილი მომავალი წლის ეკონომიკური ზრდის პროგნოზი.

#ახალიამბები #BusinessMediaGeorgia