საარჩევნო ადმინისტრაცია თეთრიწყაროსა და გორის რაიონული სასამართლოების გადაწყვეტილებებს სააპელაციო სასამართლოში ასაჩივრებს. როგორც ცნობილია, საუბარია წალკისა და თეთრიწყაროს 30 საარჩევნო უბნის შედეგების ბათილად ცნობაზე, რომელსაც საარჩევნო ადმინისტრაცია დაუსაბუთებლად მიიჩნევს. მათი თქმით, აღნიშნული გადაწყვეტილება წინააღმდეგობაში მოდის ანალოგიურ საკითხთან დაკავშირებით პირველი ინსტანციების სასამართლოებში წარმოებულ ყველა სხვა დავასთან. ამასთან, საარჩევნო ადმინისტრაციის მიერ სააპელაციო სასამართლოში უკვე გასაჩივრებულია გორის რაიონული სასამართლოს გადაწყვეტილება, რომლის მიხედვითაც №32 გორის საოლქო საარჩევნო კომისიას ამავე ოლქში შემავალი 15 საარჩევნო უბნის ბათილი ბიულეტენების ხელახლა გადათვლა დაევალა. აღსანიშნავია, რომ დღეს, პროცესების დაწყებამდე ცოტა ხნით ქუთაისის სააპელაციო სასამართლოში შესული ყველა საჩივარი ერთ საქმედ გაერთიანდა. რას ნიშნავს მოსამართლეების მხრიდან არჩევნების პროცესში წარდგენილი საჩივრების დაკმაყოფილება და მოვლენების განვითარების რა სცენარს უნდა ველოდოთ?

სტუმარი: კახა კოჟორიძე - „კოჟორიძე და იურისტები“ მმართველი პარტნიორი;

#ახალიამბები #BusinessMediaGeorgia