კიდევ ერთ კომპანიაზე გიყვებით, კომპანიაზე რომელიც ერთგვარი მაგალითია იმის როგორ შეიძლება შენი საქმე საქართველოსნაირ პატარა ქვეყანაში აკეთო და შენი შრომით, უნარებით და პროფესიონალიზმით არა მხოლოდ ბიზნესურად გამართული იყო კომპანია, არამედ მიიღო აღიარება და დაფასება მსოფლიო მასშტაბით სფეროს პროფესიონალებისგან. სულ რამდენიმე კვირის წინ, ამ ზაფხულს არქიტექტურული დიზაინის ყველაზე პრესტიჟულ დაჯილდოებაზე A’Design Award-ზე გამარჯვებული არქიტექტურული კომპანია „არტიტექსი“გახდა. თავად A’Design Award არქიტექტურული დიზაინის ყველაზე პრესტიჟულ ჯილდოებს შორისაა, მთელ მსოფლიოში. მისი მიზანია, გამოავლინოს საუკეთესო პროექტები საერთაშორისო მასშტაბით და მათ პოპულარიზაციას შეუწყოს ხელი. კონკურსი მკაცრად დადგენილი პროფესიული და ინდუსტრიული სტანდარტებით აფასებს ნამუშევრებს. კონკურსზე 278 ჟიური ანონიმურად აფასებდა ნამუშევრებს. A' Design Award-ის ჯილდოს მოპოვება ნიშნავს საერთაშორისო აღიარებას შესანიშნავი დიზაინის შექმნისთვის.

სტუმარი: დადუნა შათიშვილი - “არტიტექსი”, მმართველი პარტნიორი;

#ახალიამბები #BusinessMediaGeorgia