გადახდისუუნარობის ახალი კანონის ამოქმედებიდან დღემდე რეაბილიტაციის რეჟიმში 10-მდე კომპანია გადავიდა, 4 კომპანიის შემთხვევაში კი საქმე გაკოტრებით დასრულდა - ასეთია ახალი კანონის შედეგები სამი წლის თავზე. ბიზნესის რეაბილიტაციისა და გადახდისუუნარობის პრაქტიკოსთა ასოციაციის ინფორმაციით, თუ ძველი კანონმდებლობით წამოწყებულ საქმეებში რეაბილიტაციის წილი მხოლოდ 10% იყო, ეს მაჩვენებელი 40%-მდე გაიზარდა. ახალი კანონის ეფექტია ისიც, რომ რეაბილიტაციის საქმეები გაცილებით მცირე დროში სრულდება და სასამართლოს მხრიდან კანონით დადგენილი ვადები დაცულია. რჩება თუ არა გამოწვევად კვლავ ბიზნესის დაბალი მიმართვიანობა, როგორ მუშაობს პრაქტიკაში ახალი კანონი და რა გამოწვევები ახლავს თან კანონის აღსრულებას?

სტუმარი: თინათინ შუღაროვა - ბიზნესის რეაბილიტაციისა და გადახდისუუნარობის პრაქტიკოსთა ასოციაციის თავმჯდომარე;


#ახალიამბები #BusinessMediaGeorgia