სამდღიანი გაფიცვის შემდეგ, აშშ-ს აღმოსავლეთ სანაპიროსა და მექსიკის ყურის საზღვაო პორტების თანამშრომლებმა გაფიცვა დროებით შეწყვიტეს. მედიის ცნობით, პროფკავშირებმა და აშშ-ს საზღვაო ალიანსმა პორტის თანამშრომლებისთვის ხელფასების გაზრდის შესახებ წინასწარ შეთანხმებას მიაღწიეს და პორტებმაც ჩვეულ რეჟიმში გააგრძელეს მუშაობა. თუმცა მიუხედავად ამისა, ბიზნესის ნაწილი ელის, რომ სამდღიან გაფიცვას აშშ-დან საქართველოში ტვირთების მოძრაობაზე გავლენა ექნება. მოლოდინია, რომ შეერთებული შტატებიდან ავტომობილების იმპორტის ვადა გახანგრძლივდება, ფასი კი გაიზრდება.

#ახალიამბები #BusinessMediaGeorgia