საერთაშორისო სავალუტო ფონდის თანახმად სამხრეთ ამერიკის მესამე ყველაზე პატარა ქვეყანა, გაიანა, 2024-2029 წლებში მსოფლიოში ყველაზე სწრაფად მზარდი ეკონომიკა იქნება და საპროგნოზო ნაერთი წლიური ზრდის ტემპი 19.8% მიაღწევს. ეს მოცემულობა, ქვეყანაში ExxonMobil-ის მიერ 2015 წელს ნავთობის საბადოების აღმოჩენას უკავშირდება, რამაც ბოლო ხუთი წლის განმავლობაში გაიანას ეკონომიკის გაოთხმაგება განაპირობა. სავალუტო ფონდი პროგნოზირებს რომ 800 000 მოსახლიაინი ქვეყანა 2028 წლისთვის, 1 მოსახლეზე მოპოვებული ნედლი ნავთობის ოდენობით, მსოფლიოში ნომერ პირველი გახდება. ჩვენ ასე არ გვიმართლებს ამიტომ, შევეშვათ ოცნებებს. რაც შეხება, მეორე ყველაზე სწრაფად მზარდი ეკონომიკა საპროგნოზო ნაერთი წლიური ზრდის ტემპის მიხედვით მოზამბიკი იქნება, სადაც ეს მაჩვენებელი, 7.9%-ს გაუტოლდება. 7.2%-იანი შედეგით კი მას რუანდა მოჰყვება.
სავალუტო ფონდი ნაერთი წლიური ზრდის 6.8%-იან ტემპს ელის ბანგლადეშის შემთხვევაში.ბანგლადეშს, საპროგნოზო ნაერთი წლიური ზრდის ტემპის 6.7%-იანი მაჩვენებლით ეთიოპია და ნიგერი მოსდევენ, ხოლო მე-7 ადგილს 6.6%-ით - უგანდა იკავებს. ყველაზე სწრაფად მზარდი ბაზრების სიაში ვხვდებით 3 ტრილიონ 942 მილიარდი მშპ-ს მქონე, მსოფლიოში მეხუთე უმსხვილეს ეკონომიკა - ინდოეთსაც. საერთაშორისო სავალუტო ფონდის პროგნოზით, 2024-იდან 2029 წლამდე ქვეყნის ნაერთი წლიური ზრდის ტემპი 6.5%-ს მიაღწევს. მოსალოდნელი შედეგი, დიდწილად, მზარდი სამომხმარებლო კლასითა და ინვესტიციების გაზრდილი მოცულობით იქნება განპირობებული.

#ახალიამბები #BusinessMediaGeorgia