საქართველოდან იაპონიაში ღვინის ექსპორტი მკვეთრად გაიზარდა. ღვინის ეროვნული სააგენტოს მონაცემებით, წელს 2 თვეში აღნიშნულ ქვეყანაში 27 700 ლიტრი ქართული ღვინო გავიდა, რაც წლიურად 549%-იან ზრდას აჩვენებს. იაპონია ქართული ღვინისთვის ერთ-ერთი ყველაზე მაღალფასიანი ბაზარია. ამ ბაზარზე ქართული ღვინის საშუალო ფასი 4.9 დოლარია. გასულ წელს იაპონიის ბაზარზე 193 ათასი ლიტრი ღვინო გავიდა. 2024 წელი ღვინის ექსპორტისთვის პოზიტიურად დაიწყო. იანვარ-თებერვალში გაიზარდა როგორც ექსპორტის მოცულობა, ასევე ღირებულებაც. მსოფლიოს 47 ქვეყანაში, ექსპორტირებულია 47,6 მლნ აშშ დოლარის ღირებულების, 16,7 მლნ ლიტრი ღვინო. ექსპორტის მოცულობა წინა წელთან შედარებით 43%-ით, ხოლო ღირებულება 38%-ით გაიზარდა. როგორია წელს მოთხოვნა ქართულ ღვინოზე და რა შანსი აქვს ღვინის მწარმოებლებს აზიურ ბაზარზე თავი დაიმკვიდრონ?

სტუმარი: შალვა ქურდაძე - მევენახეობა-მეღვინეობა „ფაფრის ველის“ დამფუძნებელი;

#ახალიამბები #BusinessMediaGeorgia